قوباد تاڵەبانی سەرپەرشتیاری سكرتارییەتی سەرۆك مام جەلال لە ساڵیادی دامەزراندنی یەكێتیدا لە بارەگای مەكتەبی سیاسی لە شاری هەولێر وتارێكی پێشكەشكرد و رایگەیاند، یەكێتی لە قۆناغێكی قەیراناویدا دروستبوو، لە ئێستاشدا یەكێتی بە سەرۆكایەتیی بافڵ جەلال تاڵەبانی هیوا دەگەڕێنێتەوە بۆ خەڵك.
راشیگەیاند، “یەكێتی هەوڵدەدات كێشەكان بە گفتوگۆ چارەسەربكات، چونكە سیاسەتی خۆسەپێنی دەبێتە هۆی شكست”.
لەبارەی پەیوەندییەكانی هەرێم لەگەڵ بەغداد، قوباد تاڵەبانی وتیشی، “هەرێم لە چوارچێوەی عێراقی فیدراڵدا بەهێزتر دەبێت و بۆ ئەوەی لە بەغداد بەهێزبین دەبێت لە هەرێمی كوردستان یەكگرتوو بین و ئابورییەكەشمان بەهێزدەبێت ئەگەر لە رووی ئابورییەوە لەگەڵ عێراق یەكگرتووبین .
