ڕاگەیاندنی شانەی ئەمنیی عێراق، کەمێک بەرلە ئێستا ڕایگەیاند دەستیان بەسەر 10 موشەکدا گرتووە کە ئامادەکرابوون بۆ کردنە ئامانجی بنکەیەکی سەربازی لە ڕۆژئاوای بەغداد.
لە ڕاگەیەندراوێکدا شانەی ئەمنیی عێراق بڵاویکردەوە، “بەپشتبەستن بە زانیاریی هەواڵگریی ورد لە دەزگای هەواڵگری و لێکۆڵینەوەی فیدراڵی سەربە وەزارەتی ناوخۆ و بەشی هەواڵگریی فەرماندەیی ئۆپەراسیۆنەکانی بەغداد و هێزی لیوای شەشی فیرقەی دووی پۆلیسی فیدراڵی، توانرا شکست بە هەوڵێکی بەئامانجکردنی بنکەیەکی سەربازیی لە ڕۆژئاوای بەغداد بهێنرێت”.
ڕاشیگەیاندووە، “توانراوە 10 موشەکی جۆری گراد لە گەڕەکی جیهاد دەستی بەسەردابگیرێت، هەروەها گومانلێکراوێکیش دەستگیرکراوە”.
وفقاً لمعلومات دقيقة من وكالة الاستخبارات والتحقيقات الاتحادية في وزارة الداخلية وقسم استخبارات قيادة عمليات بغداد ، قوة من اللواء السادس في الفرقة الثانية بالشرطة الاتحادية ، تتمكن من احباط محاولة استهداف إحدى الثكنات العسكرية غربي العاصمة بغداد… pic.twitter.com/jmF7W1Kp2Z
— خلية الإعلام الأمني🇮🇶 (@SecMedCell) July 2, 2021
