هاتوچۆی گەرمیان ڕایگەیاند، لە ڕووداوێکی هاتوچۆدا لە نێوان ئۆتۆمبیلێك و ماتۆڕسكیلێكدا کەسێک کە شۆفێری ماتۆرسکیلەكە بوو گیانی لەدەستدا.
بەڕێوەبەرایەتی هاتوچۆی گەرمیان لە ڕاگەیەندراوێکدا ئاماژەی بەوەكردووە، “ئەمشەو لەسەرشەقامی کەلار – سلێمانی نزیک گوندی تازەدێ، ڕووداوێکی پێکدادان لەنێوان ماتۆڕسکیلێک و مینی پاسکێكدا ڕوویدا، لە ئەنجامدا شۆفێری ماتۆڕسکیلەکە کە لە نەتەوەی عەرەبە بەناوی (صاڵح حسێن زاهر ) و لەدایکبووی 1978 ە گیانی لەدەستدا .
باسیلەوەشكردووە، “لەئێستادا بەمەبەستی توێکاری تەرمەکەی هێنراوەتە پزیشکی دادوەری قەزای کەلار، شۆفێری ئۆتۆمبێلەکەش بە بڕیاری دادوەر و بەپێی ماددەی 24ی هاتوچۆ بەندکراوە”.
