وەزارەتی کارەبای هەرێم بڕیاریدا بە مەبەستی کەمکردنەوەی لۆدی سەر کارەبا، بڕی ئەمپێری ماڵان کەمبکاتەوە.
ئەمڕۆ چوارشەممە وەزارەتی کارەبای هەرێم بڵاویکردەوە، “بۆ کۆنتڕۆڵکردنی زیاتری کارەبا و کەمکردنەوەی بچڕانی کارەبا لە وەرزی زستاندا، بڕیارماندا بڕی ئەمپێری کارەبای ماڵان لە 40 ئەمپێرەوە بۆ 30 ئەمپێر کەم بکرێتەوە”.
ساڵانە و لەگەڵ هاتنی وەرزی سەرما لە هەرێمی کوردستان بەهۆی پێویستی زیاتری هاوڵاتییان بە کارەبا بۆ ئیشپێکردنی ئامێرە گەرمکەرەوەکان خواست لەسەر کارەبا بەرزدەبێتەوە و بەو هۆیەشەوە لە ساڵانی رابردوودا کاتژمێرەکانی پێدانی کارەبای نیشتمانی چەند کاتژمێرێک کەم دەبووەوە.
لە ئێستادا وەزارەتی کارەبا هیچ بڕیارێکی نییە بۆ کەمکردنەوەی کاتژمێرەکانی پێدانی کارەبای نیشتیمانی.
