بڕیارە ئەمڕۆ یەكێتی و گۆڕان واژووی بەشی سیاسی ڕێككەوتنەكەیان بكەن، ئەندامێكی خانەی ڕاپەڕاندنی گۆڕان دەڵێت، قۆناغێکی سیاسی نوێیە و بەھیواین بچێتە خزمەتی ھاوڵاتییانی کوردستان.
دەرباز محەمەد، ئەندامی خانەی ڕاپەڕاندنی بزوتنەوەی گۆڕان ڕایگەیاند، پاش چەندین دانیشتن، کۆبوونەوە، ڕاوێژ و گفتوگۆی ناوخۆیی، سەرەنجام لە 30ی نیسان ھاوپەیمانیی کوردستان لەنێوان گۆڕان و یەکێتی لە کۆمسیۆن تۆمارکرا.
دەرباز محەمەد لە پەڕەی خۆی لە فەیسبوك دەشڵێت، “ئەمڕۆ مەراسیمی واژۆی بەشە سیاسییەکەی ڕێکەوتنەکە دەکەین”.
بەرپرسەكەی گۆڕان لەگەڵ هیواخواستن بۆ سەرکەوتنی ھاوپەیمانیی کوردستان و پابەندبوونی ھەردوولاش بە وردەکارییەکانی ڕێکەوتنەکە ئاماژەشدەدات، “قۆناغێکی سیاسی نوێیە، بەھیواین بچێتە خزمەتی ھاوڵاتییانی کورستان و باشترکردنی ژیان و گوزەرانی خەڵک”.
هەریەک لە یەکێتیی نیشتمانیی کوردستان و بزوتنەوەی گۆڕان بە لیستێکی هاوبەش بەشداری لە هەڵبژاردنی داهاتووی پەرلەمانی عێراقدا دەکەن.
لێدوانی حاكم قادر حەمەجان لەبارەی هاوپەیمانیی نێوان یەكێتی و گۆڕان:
