ئەمشەو، شەممە لە چوارچێوەی یارییەکانی گەڕی دووەمی قۆناغی کۆمەڵەکانی یورۆی 2020، ڕوبەڕوبوونەوەی نێوان هەڵبژاردەکانی ئیسپانیا و پۆلەندا ئەنجامدرا، یارییەکە بە یەکسانبوون کۆتاییهات.
لە ڕوبەڕوبوونەوەیەکی بەهێزدا، هەڵبژاردەی ئیسپانیا لە یاریگای لاکارتوخا دووەم یاری یورۆی 2020ی بەرامبەر هەڵبژاردەی پۆڵەندا ئەنجامدا، یارییەکەش بە ئەنجامی گۆڵێك یەکسانبوون (1-1) کۆتاییهات.
گۆڵەکەی “لارۆخا” لە خولەکی 25 لەلایەن ئەلڤارۆ مۆراتا و گۆڵی یەکسانکەرەوەی ئەنجامەکەش لە خولەکی 54 لەلایەن ڕۆبێرت لیڤاندۆڤیسکییەوە تۆمارکران.
https://streamable.com/7lignx
بەپێی ئەنجامی تۆمارکراوەکە، ئیسپانیا خاڵی دووەمی بە دوو یەکسانبوون کۆکردەوە، بەهەمان شێوە پۆڵەندییەکان تەنها خاڵیکیان مسۆگەرکرد، دوو هەڵبژاردەکەش بەو ئەنجامانەوە دەکەونە پێگەی سێیەم و چوارەمی کۆمەڵەی پێنجەمەوە، لەدوای هەڵبژاردەکانی سوید و سلۆڤاکیا کە خاوەنی چوار بە سێ خاڵن.
