وەزارەتی ناوخۆی ئێران ئەنجامی فەرمی هەڵبژاردنی سەرۆکایەتی کۆماری بڵاوکردەوە و بەپێی ئەو ئامارە ئیبراهیم رەئیسی بە ڕێژەیەکی بەرچاو لە ڕکابەرەکانی دیکە دەنگی هێناوە و 14 ملیۆن دەنگی لە کاندیدانی دیکە زیاترە.
عەبدولڕەزا رەحمانی فەزڵی، وەزیری ناوخۆی ئێران ئەنجامی دەنگی کانیدانی ڕاگەیاند و لە کۆی 59 ملیۆن و 310 هەزار و 307 دەنگدەر، 28 ملیۆن و 933 هەزار و 4 کەس دەنگیان داوە.
بەپێی ئامارەکەی وەزارەتی ناوخۆی ئێران ئیبراهیم رەئیسی 17 ملیۆن و 926 هەزار و 345 دەنگی بە دەستهێناوە و موحسن رەزایی 3 ملیۆن و 412 هەزار و 712 دەنگی بە دەستهێناوە و عەبدولناسر هیممەتی 2 ملیۆن و 427 هەزار و 201 دەنگی بە دەستهێناوە.
بەپێی ئامارەکەی وەزارەتی ناوخۆی ئێران دەنگی سپی یان پوچەڵ، ڕکابەری ئیبراهیم ڕەئیسی کردووە و 3 ملیۆن و 726 هەزار و 870 دەنگ بووە، بەکۆی گشتی رێژەی بەشداریکردن 48.8٪ بووە.
