قوباد تاڵەبانی: کار لەسەر شەفافترکردنی کۆکردنەوەی داهاتەکان دەکەین

قوباد تاڵەبانی جێگری سەرۆکی حکومەتی هەرێمی کوردستان لەگەڵ بەڕێوەبەری گومرگەکانی هەرێمی کوردستان و بانکە بازرگانییەکان کۆبووەوە و ڕایگەیاند، کار بۆ بەهێزکردنی کەرتی تایبەت و سەفافترکردنی پرۆسەی کۆکردنەوەی داهاتەکان دەکەن.

لە ڕاگەیەندراوێکدا نوسینگەی قوباد تاڵەبانی بڵاویکردەوە، لە ‌كۆبوونە‌وە‌كە‌دا گفتوگۆ لە‌بارە‌ی چاكسازی کردن لە‌ پرسی ڕێکخستنەوەی كارە‌كانی گومرگە‌كان و دە‌روازە‌ سنورییە‌كان و كە‌مكردنە‌وە‌ی ڕۆتین بە‌ مە‌بە‌ستی زیادكردن و ھە‌مە‌جۆركردنی داھاتی دارایی و چالاكتركردنی جوڵە‌ی بازرگانی کرا.

جێگری سەرۆکی حکومەت بە بەڕێوەبەرانی گومرگەکانی ڕاگەیاندووە کە بە‌ مە‌بە‌ستی زیادكردن و ھە‌مە‌جۆركردنی داھات، دەبێت کار لەسەر چالاکترکردن و ڕێکخستنی جوڵەی بازرگانی بکەن.

جێگری سە‌رۆك وە‌زیران ئاماژە‌ی بە‌وە‌داوە، بە‌ھێزكردنی كە‌رتی تایبە‌ت و ھە‌مە‌جۆركردنی داھات یە‌كێكە‌ لە‌ کارە لەپێشینەکانیان و دە‌بێت ئاسانكاری بكرێت بە‌تایبە‌ت لە‌پرسی نە‌ھێشتنی ڕۆتین بۆ ئە‌وە‌ی جوڵە‌ی بازرگانی چالاكتربێت.

جەختیشی لە بەردەوامیی کارکردن پێکردنی بە ئەلیکترۆنیکردنی کاروبار و مامەڵەکان لە دەروازە سنورییەکان کردەوە، وەک هۆکارێک لە باشتر خزمە‌تكردن و نە‌ھێشتنی ڕۆتین و شە‌فافتركردنی پرۆسە‌ی كۆكردنە‌وە‌ی داھات.

ھە‌ر لە‌و كۆبوونە‌وە‌یە‌دا ئاماژە‌ی بە‌وە‌دا، دوای دیاریكردن و خاڵبە‌ندیكردنی ھە‌رگرفتێك كە‌ ڕوبە‌ڕوی كاروباری گومرگە‌كان دە‌بێتە‌وە، دە‌بێت چارە‌سە‌ری بۆ دابڕێژرێت و لەمەشدا حكومە‌ت ھاوكاریان دە‌بێت.

بابەتی پێشتر

پلەكانی گەرمای شارەكانی هەرێم نزمدەبنەوە

بابەتی دواتر

نەوتی خاوی بەسڕە لە 73 دۆلار نزیكدەبێتەوە

بابەتی پەیوەندیدار
Total
0
Share