وتەبێژی فەرماندەی گشتیی هێزە چەكدارەكانی عێراق ڕایدەگەیەنێت، بۆ ڕێگەگرتن لە پێشێلكارییە بەردەوامەكانی توركیا بۆ سەر خاكی عێراق، جموجوڵی دبلۆماسییان دەستپێكردووە.
لیوا یەحیا ڕەسوڵ، وتەبێژی مستەفا كازمی فەرماندەی گشتيی هێزە چەكدارەكانی عێراق بە میدیای فەرمی عێراقیی وتووە، “وەزارەتی دەرەوە جموجوڵێكی دیبلۆماسیی دەستپێكردووە، بۆ ڕێگەگرتن لە پیشێلكارییە بەردەوامەكانی توركیا بۆسەرخاكی عێراق”.
ئاماژەی بەوەشكردووە، لە دەستووری عێراقدا هاتووە، پێویستە وڵاتان ڕێز لە سەروەری عێراق بگرن، بۆیە پێویستە هەموو وڵاتان رٍێز لە سەروەری خاكەكەی بگرن.
وتەبێژی فەرماندەی گشتیی هێزە چەكدارەكانی عێراق باسیلەوەشكردووە، “بەهەموو شێوەیەك ڕەتیدەكەینەوە كە لەناو خاكی عێراقەوە كاری تیرۆرستی بۆ سەر وڵاتێكی دیكە ئەنجام بدرێت”.
توركیا نزیكەی حەفتا بارەگای لەنێو خاكی هەرێمدا هەیە و بەگوێرەی بەدواداچوونەكانی پەرلەمانتارانيش سوپای تورکیا نزیكەی 40 كیلۆمەتر هاتووەنەتە نێو خاكی هەرێمەوە.
