ئۆتۆمبێلێكی مەدەنی لەلایەن فڕۆكەكانی توركیاوە لە گوندێكی ناحیەی پشدەر كرایە ئامانج و بەپێی زانیارییە سەرەتاییەكان چوار كەس بوونەتە قوربانی.
موحسین حسێن بەڕێوەبەری ناحیەی هێرۆ بە تۆڕی میدیایی ئێستای وت، لە گوندی كانیلان-ی سەر بە ناحیەی هێرۆ ئۆتۆمبێلێكی جۆری تۆیۆتا پیكاب بۆمبارانكراوە.
وتیشی، “ئۆتۆمبێلەكە چوار كەسی تیابووە و بەپێی زانیارییە سەرەتاییەكان سەرجەمیان بوونەتە قوربانی”.
پەیامنێرمان پێی ڕاگەیاندین، نازانرێت قوربانییەكان كەسانی مەدەنین، یان گەریلا و لایەنگرانی پەكەكەن.
