میدیاكانی سودان ئەوەیان ڕایگەیاندووە، ئەمریكا ماوەی 24 كاتژمیری دیاریكردووە بۆ ئەو وڵاتە بۆ ئەوەی وەڵامی خۆی بگەڕێنێتەوە لەوەی بچێتە نێو ڕێككەوتنی ئاساییكردنەوەی پەیوەندییەكانی لەگەڵ ئیسرائیل.
ئەوەش لەكاتێكدا مانگی پێشوو، میدیا ئیسرائیلییەكان ئەوەیان بڵاوكردەوە، خواستێك هەیە بۆ گرێدانی “كۆبوونەوەی سێقۆڵی نێوان بەرپرسانی ئەمریكی و ئیماراتی و سودانی، بۆ ئەوەی ڕێككەوتنی ئاساییكردنی پەیوەندییەكان لەنێوان خەرتوم و تەلئەڤیڤ واژوو بكرێت”.
ئاماژە بەوەشكراوە، دۆناڵد ترەمپ، سەرۆكی ئەمریكا ماوەیەكە فشارەكانی لەسەر سودان بەردەوامییان هەیە، بۆ ئەوەی پەلكێشی نێو ئەو ڕێككەوتنەی بكات و لەبەرامبەردا ناوی وڵاتەكە لە لیستی تیرۆر دەربهێنێت.
تا ئێستا ڕێككەوتنی ئاساییكردنەوەی پەیوەندییەكان لەگەڵ ئیسرائیل لەلایەن دوو وڵاتی عەرەبییەوە واژوو كراوە كە هەریەك لە قەتەر و ئیماراتن.
