وەزارەتی تەندروستی هەرێمی كوردستان ڕایگەیاند، لەماوەی 24 كاتژمێری ڕابردوو 546 توشبووی دیكەی كۆرۆنا تۆماركراون و حەوت كەسی دیكەش بەهۆی ڤایرۆسەكەوە گیانیان لەدەستداوە.
وەزارەتی تەندروستی هەرێم ئاماری 24 كاتژمێری ڕابردووی كۆرۆنای بڵاوكردەوە و بەگوێرەی ئامارەكەش، لەوماوەیەدا لەكۆی هەشت هەزار و 603 پشكنین 546 توشبووی دیكەی كۆرۆنا تۆماركراوە و 575 تشبوو چاكبونەتەوە و حەوت كەسیش بەهۆی ڤایرۆسەكەوە گیانیان لەدەستداوە.
كۆی گشتی توشبوانی كۆرۆناش لەهەرێم گەیشتە، 173 هەزار و297 توشبوو، لەو ڕێژەیەش 160 هەزار و 563 كەس چاكبوونەتەوە و چوار هەزار و 319 كەسیش بەهۆی ڤایرۆسەكەوە گیانیان لەدەستداوە.
