وەزارەتی بەرگریی عێراق: دەستدرێژی بۆ سەر پێشمەرگە قبوڵکراو نییە

وەزارەتی بەرگری عێراق لەسەر گرژییەكانی ئەمڕۆی چیای مەتین ڕاگەیەندراوێكی بڵاوكردەوە و ڕایدەگەیەنێت، “ئەو دەستدرێژییانە ڕەتدەکەینەوە و قبوڵکراو نیین.”

وەزارەتی بەرگری عێراق لە ڕاگەیەندراوەکەیدا ئاماژەی بەوەكردووە، ئیدانەی ئەو هێرشە ترسنۆکانەیە دەکەین، کە یەکەیەکی سەربازیی عێراقی لەچوارچێوەی هێزەکانی پێشمەرگە لە ڕێگەی چیای مەتین لە پارێزگای دهۆک كردە ئامانج .”

جەختلەوەش دەکاتەوە، پێشمەرگە بەشێکی دانەبڕاوە، لە هێزە چەکدارەکانی عێراق و هەر دەستدرێژییەک بۆ سەر ئەو هێزە ڕەتکراوەیە و قبوڵکراو نییە.

وەزارەتی بەرگریی عێراق باسیلەوەشكردووە، “لێکۆڵینەوە لە ڕووداوەکە دەستیپێکردووە و هەر دەستدرێژییەک بۆ سەر خوێن و ئاسایشی عێراقییەکان، دەبێت بە سزای دادپەروەرانەی خۆی بگات.”

هەر لەڕاگەیەندراوەكەدا هاتووە، “هێزەکانی عێراق بە سەرجەم بەش و جۆرەکانییەوە بەرپرسە لە سەپاندنی سەروەریی نیشتمانی لەسەر تەواوی خاکی عێراق و ڕێگەپێدراوە بە بەرپەرچدانەوەی هەر پێشێلکارییەک، ناوخۆیی بێت یان دەرەکی ، دەستدرێژیکار سزای خۆی وەردەگرێت.”

بابەتی پێشتر

وتەبێژی كازمی: ئەنجامدەرانی هێرشەکەی سەر پێشمەرگە بەسزا دەگەن

بابەتی دواتر

هەوڵێكی هێرشكردنەسەر بنكەی عەین ئەسەد پوچەڵكرایەوە

بابەتی پەیوەندیدار
Total
1
Share