جێگری سەرۆكی پەرلەمانی كوردستان، نیگەرانیی پهرلهمانی بهرامبهر زیانگهیاندن بهژیان و زەویوزاری گوندنشینهكانی سنور بە كونسوڵی گشتیی توركیا لە هەرێم دەگەیەنێت، بژاردهی شهڕ و پهلاماریش ڕهتدهكاتهوه.
هێمن ههورامی جێگری سهرۆكی پهرلهمانی كوردستان ئەمڕۆ سێشەممە بهناوی پهرلهمانی كوردستانهوه نیگهرانیی قووڵ و ناڕهزایی بهرامبهر زیانپێگهیاندن بهژیان و زەویوزاری گوندنشینانی گوندهكانی سنووری ناحیەكانی دهركار و باتیڤا و كانی ماسێ خستەڕوو.
پەیامەكە ئەمڕۆ و لەمیانەی سەردانی هاكان كاراچای كونسوڵی گشتیی توركیا له ههرێم بۆ پەرلەمانی كوردستان، گەیەندرا.
بەپێی ڕاگەیەنراوێكی كۆبوونەوەكە، جهخت لهوه كرایهوه، كه ههرێمی كوردستان بژاردهی شهڕ و پهلامار لهههرلایهكهوه بێت ڕهتدهكاتهوه و داواشیكرد سهروماڵی هاوڵاتییان له ناوچه سنوورییهكان و سروشتی ناوچهكه پارێزراوبن و قهرهبووی زیانلێكهوتووان بكرێتهوه، كۆتایی بهزیانگهیاندن به ژیان و زەویوزاری گوندنشینانی ناوچهكه بهێنرێت.
