پۆلیسی ڕاپه‌ڕین ڕایگه‌یاند، ئه‌مشه‌و كچێكی ته‌مه‌ن 30 ساڵ “له‌كاتی شوشتنی جله‌كانیدا كه‌وتووه‌ته ناو حه‌وزێكی ئاوه‌وه و خنكاوه”.
لە ڕاگەیەندراوێكدا، به‌ڕێوه‌به‌رایه‌تیی پۆلیسی پۆلیسی ڕاپه‌ڕین ئاماژەی بەوەكردووە، ئه‌مشه‌و ته‌رمی كچێك به‌ناوی (ب . س . ئـ) له‌دایكبووی ساڵی 1991 ، كە كچی ماڵە و دانیشتووی گوندی بێشیری سه‌ر به ناحیه‌ی هێرۆی قه‌زای پشده‌رە، گه‌یه‌ندراوەتە نه‌خۆشخانه‌ی گشتیی قه‌ڵادزێ.
پۆلیس ئاماژەی بەوەشكردووە، به‌وته‌ی باوكی، “كچه‌كه‌ی له ته‌نیشت حه‌وزێكی ئاودا سه‌رقاڵی شوشتنی جله‌كانی بووه و دواتر كه‌وتوه‌ته ناو ئاوه‌كه و خنكاوه، كه له‌وكاته‌دا خۆی له مزگه‌وت بووه”.
پۆلیسی ڕاپه‌ڕین باسیلەوەشكردووە، دۆسیه‌ی لێكۆڵینه‌وه بۆ ڕووداوه‌كه كراوه‌ته‌وه و لێكۆڵینه‌وه‌ش به‌رده‌وامه.
