هەپەگە ئەنجامدانی چالاكییەك لە ناوچەی ئاڤاشین و كوژرانی حەوت سەربازی سوپای توركیا ڕادەگەیەنێت.
ناوەندی ڕاگەیاندن و چاپەمەنیی هێزەکانی پاراستنی گەل – هەپەگە، باڵی سەربازیی پارتی كرێكارانی كوردستان ئەمڕۆ شەممە بڵاویكردەوە، لە چالاکییەکی گەریلاکانی هەپەگە و یەژاستار-دا، کە دوانیوەڕۆی دوێنێ لە گردی “کۆنفرانس” لە هەرێمی ئاڤاشین لە دژی سەربازانی سوپای تورک ئەنجامدرا، حەوت سەرباز كوژران.
چوارشەممەی ڕابردووش هەپەگە ئەنجامدانی هێرشێكی ئاسمانی بۆسەر بارەگای سەرەکیی سوپای تورکیا لە ئامەد ڕاگەیاند و چالاكییەكەی بە “زۆر کاریگەر و گەورە و ئەنجامگیر” ناوبرد.
