پێشمەرگەیەک کە دانیشتووی قەزای سۆرانە، بەیانی ئەمڕۆ شەممە بەهۆی هەڵدێرانی لە شاخێکی قەزای چۆمان گیانیلەدەستدا.
پەیامنێری تۆڕی میدیایی ئێستا ڕایگەیاند، ئەو پێشمەرگەیە خۆی دانیشتووی قەزای سۆرانە و بەمەبەستی کۆکردنەوەی گیا بەهارییەکان لەگەڵ خێزانەکەیدا چووەتە شاخەکانی کوێستانەکانی باڵەکایەتی، بەهۆی ئەوەی لەکاتی کۆکردنەوەی گیادا لە شاخ هەڵدێراوە گیانیلەدەستدا.
ڕووداوکە لە کاتژمێر 9:30 خولەکی بەیانی ئەمڕۆ ڕویداوە و بەرلەوەی بگەیەنرێتە نەخۆشخانە گیانیلەدەستداوە.
ئەو پێشمەرگەیە ناوی عەلی ڕەمەزانە و تەمەنی 38 ساڵە، پێشمەرگەیە لە لیوای 7ی پیادە.
