وەزارەتی ئەوقاف و کاروباری ئاینیی هەرێمی کوردستان ژمارەیەک بڕیاری لەبارەی شەوانی قەدرەوەدا، بەوپێیەش بۆ یادکردنەوەی شەوی قەدر لە کاتژمێر 12 تاوەکو نوێژی بەیانی دەرگای مزگەوتەکان کراوە دەبن.
لە ڕاگەیەندراوەکەی وەزارەتی ئەوقافدا هاتووە، ” شەوی قەدری پیرۆز لەکاتژمێر ١٢ شەو تاکو ئەنجامدانی نوێژی بەیانی مزگەوتەکان کراوە دەبن”.
سەبارەت بە ڕێکارەکانی خۆپارێزی پێویستکراوە لەسەر نوێژخوێنان ماسک ببەستن و لەماڵەوە دەسنوێژ ئەنجام بدەن، هەروەها دەبێت سەرجەمیان بەرماڵی خۆیان پێبێت، نێوان هەموو دوو نوێژخوێنێکیش لەنێوان مەتر و نیوێک بۆ دوو مەتربێت.
یەکێکی دیکە لە ڕێکارەکان کە دەىیت لە هەر مزگەوتێکدا جێبەجێنەکرێت، دەبێت هیچ خواردن و خواردنەوەیەک پێشکەش نەکرێت.
لە ڕاگەیەنراوەکەدا ئاماژە بەوەشکراوە کە لەکاتی بوونى سەرپێچی، دەسەڵات دەدرێتە ئەوقافەکان بۆ جێبەجێكردنی ڕێكارەكانی كارگێری و ياسايی بەرامبەر سەرپێچيكاران.
سەبارەت بە دەزگاکانی ڕاگەیاندن هاتووە، ” دەزگاکانی ڕاگەیاندن دوای (ڕێپێدانی ئەوقافی پارێزگا) دەتوانن ڕوماڵی شەوی قەدر لە مزگەوتەکان بکەن”.
