ئەستێرەی بەرازیلی، نێیمار جونیۆر لە کۆتا کۆنگرەی ڕۆژنامەوانیدا بۆچوونی لەبارەی نوێکردنەوەی گرێبەستەکەی لەگەڵ پاریس سان جێرمان ئاشکراکرد.
بەر لە ڕوبەڕووبوونەوەی یانەی مانچستەر سیتی، نێیمار دەڵێت، ” بۆ ڕوبەڕووبوونەوەی مانچستەر سیتی ئامادەم، هەموو هەوڵێک دەدەم بۆ سەرخستنی یانەکەم”.
لە وەڵامی پرسیارێکی دیکەدا سەبارەت بە چانسی بەدەستهێنانی نازناوی “باڵۆندۆر”، یاریزانە بەرازیلیەکە دەڵێت، ” تۆپی ئاڵتونی شتێک نییە لە ئێستادا بیری لێبکەمەوە، بەڵکو ئامانج و خەونی من چنینەوەی نازناوی خولی یانە پاڵەوانەکانی ئەوروپایە”.
ئەستێرەی یەکەمی سیلیساو وەڵامی چەندین پرسیاری گرنگ دەداتەوە، لە هەمووی گرنگتر بابەتی نوێکردنەوەی بۆندەکەی بوو لەگەڵ یانەی پاریس سان جێرمان.
لەم بارەیەوە بە ئاشکرا ڕایگەیاند، “یانەکەمان بەرەوپێشچووە و ئێستا یەکێکین لە باشترینەکانی ئەوروپا، دوو وەرزە دەگەینە قۆناغە یەکلاکەرەوەکانی چامپیۆنزلیگ، لە بارەی نوێکردنەوەی بۆندەکەشمەوە ئەوکارە دەکەم، کە بۆ هەمووان گونجاوە”.
زۆرینەی میدیاکانی فەرەنسا و ئەوروپا پێیان وایە، ئەوەی “نێی” ئاماژەی پێکردووە، مەبەست لێی نوێکردنەوەی بۆندەکەیەتی لەگەڵ پاریس سان جێرمان.
