لە دوای ڕوداوەکانی دەرکردنی دیبلۆماتکارەکان لەلایەن ئەمریکا و ڕوسیاوە، کرملین بڕیاریداوە کە لیستی وڵاتانی دۆست و نادۆست دروستبکات، ئەمریکاش لەناو وڵاتانی نادۆستی ڕوسیادا ناوی هاتووە.
ئەم پۆلێن بەندییەی وڵاتانی جیهان لەلایەن ڕوسیاوە لە کاتێکدایە کە بڕیارە لوتکە چاوەڕوانکراوەکەی ڤیلادمێر پوتینی سەرۆکی ڕوسیا و جۆبایدنی سەرۆکی ویلایەتە یەکگرتووەکانی ئەمریکا بەڕێوەبچێت.
وابڕیارە لە مانگی حوزەیرانی ئەمساڵ جۆبایدن و پوتین یەک ببینن و چەند پرسێکی پەیوەیست بەو دوو وڵاتە و ناکۆکییەکانی ئەمدواییەیان تاوتووێ بکەن.
لەگەڵ ڕاگەیاندنی بینینی پوتین و بایدن هەر یەک لە وڵاتانی نەمسا و فینلاندا ئامادەییان دەربڕیووە بۆ ڕێکخستنی ئەو میواندارییەی سەرۆکانی ئەمریکا و ڕوسیا.
بڵاوبوونەوەی هەواڵی یەکبینینی جۆبایدن و ڤیلادمێر پوتین لە کاتێکدایە وڵاتەکانیان بەهۆی چەند پرسێک لەوانە قەیرانی ئۆکرانیا و هێزەکانی ناتۆ لە ڕۆژهەڵاتی ئەوروپا ناکۆکی کەوتووەتە نێوانیان و هەردوولا چەند دیبلۆماتکارێکی یەکدیان دەرکردووە.
