ئەمشەو، شەممە ڕوبەڕوبوونەوەیەکی ئاگرینی قۆناغی نیوەی کۆتایی جامی یەکێتی یانە ئینگلیزییەکان لە نێوان چێڵسی و مان سیتی ئەنجامدرا و شینپۆشەکانی لەندەن بلیتی یاریی کۆتاییان بڕی.
لە یاریگای وێمبڵی چێڵسی وەک یانەی میوان ڕوبەڕوی سیتیزنی گواردیۆلا بووەوە و بە ئەنجامی گۆڵێکی بێوەڵام بردنەوەیان تۆمارکرد، گۆڵەکە لە خولەکی 55 لەلایەن حەکیم زەیاشی مەغریبیەوە تۆمارکرا.
سەرەڕای ئەوەی لە کۆتا ساتەکاندا ئەستێرەکانی سیتیزن هەوڵی بێوچانیاندا بۆ یەکسانکردنەوەی ئەنجامەکە، بەڵام سەرکەوتوو نەبوون و تۆماس توخێلی ئەڵمانی توانی بەرانبەر پلانە هێرشبەرییەکانی گواردیۆلا سەرکەوتن تۆماربکات و بۆ جاری 15 لە مێژوویاندا بە یاری کۆتایی جامەی یەکێتی یانە ئینگلیزییەکان گەیشتن.
https://streamable.com/rvvhh5
بڕیارە سبەیشەو یانەی لیستەر سیتی لەهەمان یاریگا “وێمبڵی” یارییەکی یەکلاکەرەوەی دیکە لەنێوان لیستەر سیتی و ساوزامپتن ئەنجامبدرێت، براوەی نێوانیان لە یاری کۆتایی جامە ناودارەکەی ئینگلتەرا ڕوبەڕوی چێڵسی دەبێتەوە.
