وەزیری بازرگانیی عێراق ئاشكرایكردووە، بەمزوانە دۆسییەی شایستە داراییەكانی جوتیاران لەبارەی بەرهەمەكانی گەنم كۆتایی دێت.
ئەمڕۆ دووشەممە 5ی نیسان، عەلا جبوری، وەزیری بازرگانیی عێراق لە ڕاگەیەندراوێكدا ڕایگەیاندووە، “وەزارەتی بازرگانی بەمدواییانە 561 ملیار دیناری وەرگرتووە بۆ ئەوەی شایستە داراییەكانی جوتیاران بداتەوە، ئەوانەی گەنمیان لێوەرگیراوە”.
وەزیرەكەی عێراق ئەوەشی خستوەتەڕوو، “وەزارەتی بازرگانی هەوڵی زۆری داوە، كە كۆتایی بە دۆسییەی شایستە داراییەكانی جوتیاران بهێنێت، پاش وەرگرتنی چەند بڕێك پارە كۆتایی بەو دۆسییەیە دێت”.
جبوری ئاشكرایكردووە، “پاڵپشتیكردنی جوتیاران لە چوارچێوەی گرنگیپێدانەكانی حكومەتی عێراقن، بە مەبەستی ئەوەی ئاسایشی خۆراك پارێزراو بێت”.
پاش خەرجكردنی شایستە داراییەكانی جوتیاران، لە هەرێمی كوردستانیش دابەشكردنی ئەو شایستانە دەستیان پێكردووە.
