لە ڕاپرسییەكی كەناڵێكی ئەمریكیدا دەركەوتووە، ڕێژەیەكی زۆری هاوڵاتییانی ئەمریكا لەگەڵ مامەڵەكانی بایدندا نین سەبارەت بە كەیسی چەك هەڵگرتن.
كەناڵی ABC News-Ipsos ڕاپرسییەكی ئەنجامداوە سەبارەت بەوەی تا چەند هاوڵاتییان لەگەڵ مامەڵەكانی جۆ بایدن، سەرۆكی ئەمریكادان لەبارەی هەڵگرتنی چەك و ڕوداوە توندوتیژەكان ڕازین؟، 57%ی بەشدارانی ڕاپرسییەكە ڕازی نین بە مامەڵەكانی بایدن.
لە بەرامبەردا 42%ی ئەمریكییەكان پێیانوایە كە مامەڵەكانی بایدن لەگەڵ ئەو دۆسییەیەدا گونجاوە.
لە ڕاپرسییەكەدا دەركەوتووە، ئەمریكییەكان پێیانباشە كە یاسایەكی نوێ دەربكرێت بۆ سنوورداركردنی ئەو توندوتیژییانەی بەهۆی چەكەوە ڕوودەدەن.
لەم مانگەدا لە ئەمریكا بەهۆی سێ ڕوداوی تەقەكردنەوە، نزیكەی 10 كەس كوژران و دەیانی دیكەش برینداربوون.
پاش ئەو ڕوداوانە جۆ بایدن داوای لە كۆنگرێس كرد، یاسایەك دەربكەن بۆ قەدەغەكردنی هەڵگرتنی چەك.
