دوای هەفتەیەک لە داخستنی نۆکەندی سوێس و ڕێڕەوێکی سەرەکی بازرگانی گواستنەوەی نەوت، بەیانی ئەمڕۆ کەشتییەکە ڕێککرایەوە بۆ جوڵە، ئەم هەواڵە نرخی نەوتی دابەزند و بەرمیلێک نەوتی برێنت گەیشتە 63 دۆلار و 28سەنت.
بڵاوبوونەوەی هەواڵی ڕێککردنەوەی کەشتییەکە و ئامادەکاری بۆ جوڵە، کاریگەری لەسەر بازاڕی نەوت دروستکرد و نرخی بەرمیلێک نەوتی خاوی برێنت لە بازاڕەکانی جيهاندا بە 63دۆلار و 28سەنتە.
بەم نرخەی ئێستای برێنت یەک دۆلار و 30سەنت بەهای لە دەستداوە لە بازاڕەکانی جیهاندا.
نرخى بەرمیلێک نەوتى خاوی ئەمریکی لە بازاڕەکانى جیهاندا بە 59 دۆلار و 58 سەنت مامەڵەى پێوە دەکرێت، بەراورد بە پێشوو نرخەکەی یەک دۆلار و 38 سەنت دابەزیووە.
