وەزارەتی نەوتی عێراق وەبەرهێنان لە گازی سروشتیدا زیاد دەكات

وەزارەتی نەوتی عێراق ئاشكرایكردووە، پلانی وەبەرهێنانی لەو گازەی لەگەڵ نەوتدا دەردێت جێبەجێكراوە، بەرهەمی گازی سروشتیی عێراق گەیشتووەتە 110 ملیۆن پێی چوارگۆشەی ڕۆژانە لەماوەی دوو مانگی ڕابردوودا.

ئەمڕۆ شەممە 20ی ئازار، حامد زوبەیعی، بریكاری وەزارەتی نەوتی عێراق بۆ ئاژانسی هەواڵی عێراقی ئاشكرایكردووە، “لەماوەی دوو مانگی ڕابردوودا، زیادبوونێك لە بەرهەمهێنانی گازی سروشتیی هەریە بە بڕی 50 ملیۆن مەتر چوارگۆشە لە كێڵگەی نەوتی باكوور، هەروەها 60 ملیۆن مەتر چوارگۆشە لە كێڵگەكانی باشووری عێراق”.

ئەوەشی ئاشكراكردووە، “كێڵگەكامی باشووری عێراق توانای هەیە تا 120 ملیۆن پێی چوارگۆشە گاز بەرهەمبهێنێت”.

ئەو هەنگاوانەی وەزارەتی نەوتی عێراق لەكاتێكدایە، تا ئێستا عێراق نەیتوانیوە سوود لەو گازە سروشتییە ببینێت كە لەكاتی دەرهێنانی نەوت بەهەدەر دەچێت.

بابەتی پێشتر

بافڵ تاڵەبانی: با نەورۆز بکەینە سیمبولی ئاشتەوایی و یەکگرتوویی نێوان هێز و لایەنەکان

بابەتی دواتر

دانیشتنی پەرلەمانی عێراق لەبارەی بودجەوە بۆ شەممەی داهاتوو دواخرا

بابەتی پەیوەندیدار
Total
2
Share