لە ماوەی دوو ڕۆژدا لایەنە کوردییەکانی ڕۆژئاوای کوردستان لە بارەگایەکی سوپای ئەمریکا لە حەسەکە کۆبوونەوە و چەند پرسێکی پەیوەست بە هەماهەنگی نێوانیان تاووتوێکردووە.
لە کۆبوونەوەکەدا نوێنەری ئەنجومەنی نیشتمانیی کورد لە سوریا، “ئەنەکەسە” و مەزوڵم کۆبانێ، فەرماندەی هێزەکانی سوریای دیموکرات بەشدار بوون و نوێنەرێکی وەزارەتی دەرەوەی ئەمریکاش بەشداری کۆبونەوەکەی کردووە.
سەبارەت بە ناوەڕۆکی کۆبونەوەکان میدیاکانی ڕۆژئاوای کوردستان ئاشکرایان کردووە کە پرسی هەماهەنگی سەربازی نێوان ئەمریکا و کورد و باڵی سەربازی ئەنەکەسە تاووتوێکراوە.
لە کۆبونەوەکەدا باسلە میکانزمی بەشداری سەربازی ئەنجومەنی نیشتمانیی کورد لە سوریا کراوە و چۆنیەتی بەشداری و گەڕانەوەی لەشکری ڕۆژ کە ئێستا لە هەرێمی کوردستانن خراوەتە بەر باس.
لەماوەی چەند مانگێکدا کورد لە ڕۆژئاوای کوردستان باشتر لە جاران لەیەک نزکبونەتەوە و پیشترش ڕێککەوتنی سەرەتایی کرابوو کە کورد لە پرسە نیشتمانییەکاندا یەکهەڵوێست بێت بۆ پاراستنی ئەزمونی خۆبەڕێوبەری ڕۆژئاوای کوردستان.
