سەرمایەدارێکی ناسراوی ئێزدی ئەمڕۆ یەكشەممە 4ی تشرینی یەکەم، لەسەر ڕێگای نێوان ناحیەی ئەلقوش و قەزای شێخان درایەبەر دەستڕێژی گولە و کوژرا.
جەهوەر عەلی بەگ، کەسایەتیی ئێزدی بە تۆڕی میدیایی ئێستای ڕایگەیاند، دوای گەڕانەوەی لە پرسەی (بابە شێخ) نیوەڕۆی ئەمڕۆ بەشیر کوریه، کەسایەتی و سەرمایەداری ئێزدی لە نزیک گوندی بێبانێ لەسەر ڕێگای نێوان ناحیەی ئەلقوش و قەزای شێخان لەناو ئۆتۆمبێلەکەیدا لەلایەن چەند کەسێکەوە كە ئۆتۆمبێلێكی جۆری پیكاب-یان پێبووە دەستڕێژی گولەی لێكراوە و كوژراوە.
بەشیر کوریه (تەمەن 43 ساڵ) خەڵکی گوندی بابیرێ-یە لە سنوری ناحیەی ئەلقوش و کاری بازرگانی دەکات و خاوەن چەندین پڕۆژەی بازرگانی-یە.
لەبارەی ئەم ڕوداوەوە تا کاتی ئامادەکردنی ئەم هەواڵە پۆلیس هیچ ڕونکردنەوەیەکی نەداوە.
