لە ڕاگەیەنراوێكدا وەزارەتی کارەبا ئەم چەند خاڵەی وەک ڕوونکردنەوەی ئەو پرۆسەیە ڕاگەیاندووە..
1- بەتایبەتكردنی كەرتی دابەشكردنی كارەبا راستەوخۆ لەلایەن وەزارەتی كارەبا چاودێریی و سەرپەرشتی دەكرێت.
2- نرخی كارەبا لەسەر هاوبەشانی كارەبا زیاد ناكرێت.
3- دەبێتە هۆی باشتر كۆنترۆڵكردنی سیستەمی بەڕێوەبردنی كارەبا.
4- رێگرە لە بەفیڕۆدانی وزەی كارەبا و كەمبوونەوەی پاڵەپەستۆ لەسەر تۆڕ و وێستگەكان و كەمبوونەوەی كاری چاكسازیی و سوتانی محاویلەكان .
5- كەمكردنەوە و نەهێشتنی سەرپێچیەكانی كارەبا بەمەش دادپەروەریی لە دابەشكردنی كارەبا زیاتر دەستەبەر دەكرێت.
6- زیادبوونی ماوەكانی پێدانی كارەبای نیشتمانی بەتایبەتی لەهەردوو وەرزی هاوین و زستان دا .
7- بەڕێژەی لە 70%ی فەرمانبەرانی وەزارەتی كارەبا لەو سێكتەرە كار دەكەن بەتەواویی ئیمتیازاتەكانیان كار دەكەن و كۆمپانیاكان پابەند دەبن بەدابینكردنی موچەكانیان لەكاتی خۆیدا.
8- كەمكردنەوەی سلفەی مانگانەی بەڕێوەبەرایەتیەكانی كارەبای شارەكان .
پێشتر وەزارەتی کارەبای وەزارەتی کارەبای هەرێم ڕایگەیانبوو لە کۆتایی ئەمساڵدا دابەشکردنی کارەبا لە هەرێم دەدرێتە کەرتی تایبەت و لە ٪70 ی کارمەندانی ئەو سیستمەش هەر کارمەندانی وەزارەتی کارەبا دەبن و بەتایبەتکردنی کارتەکەش یارمەتیدەر دەبێت بۆ بەفیڕۆنەدانی کارەبا و وەرگرتنەوەی پارەکەی.
