پسوڵەی خۆراکی هەولێر رایدەگەیەنێت، بۆ پڕکردنەوەی فۆڕمی ئەلیکترۆنیی خۆراک ئەو مۆبایلانە بەکارمەهێنن کە یاریی پۆبجییان تێدایە.
بەڕێوەبەرایەتیی رێکخستنی پسوڵەی خۆراکی هەولێر رایگەیاند، ئاگاداری هاوڵاتییانی هەرێمی کوردستان دەکەینەوە لەکاتی پڕکردنەوەی ئەپڵیکەیشنی پسوڵەی خۆراک، بەهیچ شێوەیەک ئەو مۆبایلانە بەکارمەهێنن کە یاریی پۆبجی (PUbG) و یارییە ئۆنلاینەکانیان تێدایە.
بەڕێوەبەرایەتییەکە دەشڵێت، ئەو یارییانە ئەکاونتەکانیان ئەوروپی و ئەمریکییە، لەکاتی پڕکردنەوەی ئەپڵیکەیشنی پسوڵەی خۆراک راستەوخۆ پسوڵەی خۆراکتان بەگەشتیار داخڵدەکرێت و پسوڵەی خۆراکەکەشتان رادەوەستێت.
