بەهۆی هەرەسهێنانی بەفرەوە لە باكووری ئێران، كەسێك گیانی لەدەستدا و دەیانی دیكەش بریندار بوون.
دەستەی ڕادیۆ و تەلەفزیۆنی ئێران ئەمڕۆ یەكشەممە 14ی ئازار، ڕایگەیاندووە، “لە چیاكانی ڕێگای نیوان كەرەج-چالوس لە باكووری ئێران، بەفر هەرەسی هێناوە و بەهۆیەوە كەسێك گیانی لەدەستدا و 19ی دیكەش بریندار بوون”.
ئاماژە بەوەشكراوە، ئەو بەفرەی هەسەری هێناوە كەوتووە بەسەر پاسێكدا كە تیمێكی تۆپی پێی لە تارانەوە گواستووەتەوە.
ئەوەش لەكاتێكدایە، ڕێگای نیوان كەرەج-چالوس بە یەكێك لە ڕێگا سەرنجڕاكێشەكانی ئێران دادەنرێت.
