بەڕێوبەرایەتیی ئاسیشی هەولێر ئەمڕۆ شەممە 13ی ئازار ڕایگەیاند کە بکوژی ئەو گەنجەی دوێنێ بە کوژراوی لەناو سندوقی ئۆتۆمبێلەکەیدا دۆزرایەوە دەستگیرکراوە.
لە ڕاگەیەندراوێکدا بەڕێوبەرایەتیی ئاسایشی هەولێر ڕایگەیاند، ” دوێنێ 2021/3/12 لەسنوری قەزای دەشتی هەولێر تەرمی هاووڵاتی(علی صباح سوار قادر) بە کوژراوی لەناو ئۆتۆمبێلەکەی خۆی دۆزرایەوە”.
ئاماژە بەوەکراوە، “دوای ڕووداوەکە دەستبەجێ تیمی لێکۆڵینەوەی بەڕێوەبەرایەتیمان هەڵسان بەلێکۆڵینەوە لە تاوانەکە و دۆزینەوەی تاوانباران،لە ئەنجامدا توانرا شەوی ڕابردوو تاوانباران دەستنیشان بکرێن کە دانیشتووی (بنەسلاوە)ن”.
ئاسایشی هەولێر ڕایگەیاندووە، “بکوژی سەرەکی گەنجەکە ناوی (ع.أ.ع)ە وهەریەک لە (ب.ع.أ)و(ش.ه.ج) هاوکاری بکوژەکە بوون و لەگەڵ چەکێکی جۆری (دەمانچە)کە تاوانەکەی پێ ئەنجامدراوە دەستگیرکراون”.
بەپێی راگەیەندراوەکەی پۆلیس تاوانبارەکان دانیان بە تاوانەکەیاندا ناوە و هۆکاری ئەنجامدانی تاوانەکەش کێشەی کۆمەڵایەتیی بووە.
