ئاسایشی سلێمانی دەستگیرکردنی چوار “چەکدار”ی ڕاگەیاند

ئاسایشی سلێمانی لە ڕاگەیەندراوێكدا ئاشكرایكردووە، چوار كەسیان دەستگیر كردووە كە چەكدار بوون و بڕیاری دەستگیركردنیان هەبووە.

لە ڕاگەیەندراوێكدا ئەمڕۆ دووشەممە 8ی ئازار بەڕێوبەرایەتیی ئاسایشی ڕۆژئاوای سلێمانی ڕایگەیاندووە، “لەپێناو بەرقەرارکردنی ئارامی و ئاسایشی هاوڵاتییان و دەست بەسەردا گرتنی چەکی بێمۆڵەتدا، هێزەکانمان لە بەڕێوبەرایەتیی ئاسایشی ڕۆژئاوای سلێمانی چوار کەسیان دەستگیرکرد”.

سەبارەت بە وردەكاریی دەستگیركردنی ئەو چوار كەسە، ئاسایشی ڕۆژئاوای سلێمانی ئاشكرایكردووە، “دوو تۆمەتباریان بە ناوەكانی (س.م.ص) و (ھ.م.ص) کە دانیشتوی شارۆچکەی بەردەقارەمانن و دووانی دیكەشیان (س.خ.ک) و (ش.ل.ک) دانیشتوی ناحییەی تەکیەی کاکەمەندن و لە نزیک چێشتخانەی هەریاد لە تەکیەی کاکەمەند دەستگیرکراون”.

ئاسایش ئەوەشی خستوەتەڕوو، “بە بڕیاری دادوەری دادگای لێکۆڵینەوەی چەمچەماڵ بەپێی مادەی (21)ی چەک ئەو كەسانە ڕاگیراون و سەرجەم چەک و ئۆتۆمبێل و کەرەستەکانیان دەستیان بەسەردا گیراوە”.

ئاماژە بەوەشكراوە، “یەکێک لە تۆمەتبارەکان كە ناوی (س.خ.ک)ە بە مادەی (14)ی هۆشبەریش داواکراو بووە”.

بابەتی پێشتر

قەدەغەی هاتوچۆ تا دوو هەفتەی تر درێژکرایەوە

بابەتی دواتر

مۆرینیۆ هۆکاری تەقینەوەی ئاستی گاریس بەیل ئاشکرادەکات

بابەتی پەیوەندیدار
Total
0
Share