وەزارەتی تەندروستیی هەرێمی کوردستان ئەمڕۆ 8ی ئازار ئاماری 24 کاتژمێری ڕابردووی کۆرۆنای بڵاوکردەوە و ڕایگەیاند 344 کەس توشی کۆرۆنا بوون و چوار کەسیش گیانیانلەدەستداوە.
لە ڕاگەیەندراوێکدا وەزارەتی تەندروستی ڕایگەیاند، “162 کەس لە هەولێر توشی کۆرۆنا بوون، لە سلێمانی 87 کەس، دهۆک 89 توشبوو و لە گەرمیانیش شەش کەس توشی ڤایرۆسەکە بوون”.
بەپێی ڕاگەیەنراوەکە چوار حاڵەتی مردن لە شەو و ڕۆژی ڕابردوودا تۆمارکراون کە دووانیان لە هەولێر و دووانیشیان لە دهۆک تۆمارکراون.
بەپێی ئامارە گشتییەکانی وەزارەتی تەندروستیی هەرێمی کوردستان تاوەکو ئێستا 110 هەزار و 856 کەس توشی کۆرۆنا بوون لەو ژمارەیەش 104 هەزار و 602 کەس چاکبوونەتەوە و سێ هەزار و 541 کەسیش بە کۆرۆنا گیانیانلەدەستداوە.
