بەڕێوبەرایەتیی پۆلیسی هەولێر ئەمڕۆ دووشەممە 8ی ئازار ئاشکرای کرد کە سێ تۆمەتباریان دەستگیرکردووە دوای ئەوەی دەمەقاڵە دروستبووە لەنێوانیان تەقەیان کردووە.
لەڕاگەیەندراوێکدا بەڕێوبەرایەتیی پۆلیسی هەولێر ڕایگەیاند، ” بەشی پۆلیسی دەشتی هەولێر، بنكەی پۆلیسی شاوێس، سێ تۆمەتباریان دەستگیرکرد كە بە هۆی دەمەقاڵەوە ببووە شەڕیان و هەڵسابوون بە تەقەكردن.
پۆلیسی هەولێر ناسنامەی ئەو تۆمەتبارانەی ئاشکرا کردووە و دەڵێت سێ تۆمەتبارەکە ناویان (ش.ش.م) و (ح.ف.س) و (م.ح.ف)ەیە.
دەشڵێت، “تۆمەتبارەکان دانیان ناوە بە تاوانەكەیاندا، بۆیە بە بڕیاری دادوەر و بەپێی ماددە (431) لە یاسای سزادان، ڕاگیران و دەستیش بەسەر چەكەكە و ژمارەیەك فیشەكدا گیرا”.
