بەگوێرەی ئەو گرتە ڤیدیۆییەی بڵاوكراوەتەوە، دەردەكەوێت لە كۆڵانێكی گەڕەكی كەڕادەی بەغداد هاوڵاتییان لە بەردەم ماڵەكانی خۆیانەوە دەستیان وەك هێمای سڵاوكردن بۆ كاروانی ئۆتۆمبێلەكانی پاپای ڤاتیكان بەرز دەكەنەوە و ئەویش وەڵامیان دەداتەوە.
یەكێك لەو ڤیدیۆیانەی لە تۆڕە كۆمەڵایەتییەكان بڵاوكراوەتەوە تیایدا دەردەكەوێت، هاوڵاتییانی كۆڵانێكی كەڕادە تەماشای كاروانی ئۆتۆمبێلەكانی پاپای ڤاتیكان دەكەن و دەستی سڵاوكردن بەرز دەكەنەوە، لە وەڵامیشدا پاپا فرانسیس جامی ئۆتۆمبێلەكەی دەكاتەوە و بە دەستی سڵاویان لێدەكاتەوە.
#البابا بعد عودته من #مدينة_اور ، اثناء مروره في شوارع الكرادة متجهاً الى الكنيسة يلوح للمواطنين بالسلام #Pope pic.twitter.com/6TgYCOqhHZ
— TareqZalan (@tareqzalan) March 6, 2021
وەك لە ڤیدیۆكەدا دەركەوتووە، پاپای ڤاتیكان دڵخۆشە بەو پێشوازییەی لەلایەن هاوڵاتییانە لێیكراوە.
میدیا عێراقییەكان ئاماژەیان بەوەكردووە، ئەو ڤیدیۆیە لەكاتێكدا تۆماركراوە كە پاپای ڤاتیكان بەرەو كڵێسای مار یوس لە كەڕادە ڕۆیشتووە.
لما دخل موكب #البابا_فرنسيس #بابا_الفاتيكان في شوارع #الكرادة هذه المدينة التي تعتبر فسيفساء #العراق ترى فيها “المسلمون” أولاً يلوحون بأيديهم مرحبين بالبابا
حقيقةً غمرتني دموع الفرح وأنا اشاهد شعبنا الطيب رغم المآسي لكنه مبتسم
طوبى لقلوبٍ يملؤها التسامح والسلام#عاش_العراق— Nooruldeen نورُالدينْ🇮🇶 (@Nooruldeen89) March 6, 2021
ئەمڕۆ ڕۆژی دووەمی پاپای ڤاتیكان بوو لە عێراق و چاوی بە عەلی سیستانی، مەرجەعی باڵای شیعەكانی عێراق كەوت.
بڕیارە سبەی یەكشەممە 7ی ئازار، پاپای ڤاتیكان لە بەغدادەوە بێتە هەولێری پایتەختی هەرێم.
وردەكاریی خشتەی سەردانەكەی پاپا فرانسیس بۆ هەولێر بخوێنەوە.
