سێ منداڵ بەهۆی تەقینەوەی بۆمبێكی چێندراوەوە كە لە پاكەتێكی شیرینیدا دانرابوو، برینداربوون.
بەگوێرەی ئاژانسی سانای سوری، ئەمڕۆ شەممە 6ی ئازار، زەڕاڕ دندل، بەڕێوبەری پۆلیسی پارێزگای دەرعا ڕایگەیاندووە، “لەكاتی یاریكردنی منداڵان لە ناوچەیەكی شاری دەرعا، تەقینەوەیەك ڕویداوە و سێ منداڵ بریندار بوون”.
ئەو بەرپرسە ئەوەشی وتووە، “ئەو ناوچەیە جوڵەی بازرگانی لێیە و بۆمبێكی زۆری چێندارویشی لێیە”.
لەلایەكی دیكەوە ئاژانسەكە ئەوەی ئاشكرایكردووە، ئەو بۆمبەی بە منداڵەكاندا تەقیوەتەوە لەنێو پاكەتێكی شیرینی دانراوە، لەو كاتەدا تەقیوەتەوە كە منداڵەكان لەكاتی یاریكردن لێی نزیكبوونەتەوە.
ئەو پارێزگایەی سوریا، یەكێكە لەو ناوچانەی كە ناوبەناو تەقینەوەی تێدا ڕودەدات.
