لە کەوتنەخوارەوەی هێلیکۆپتەرێکی تورکیدا 9 سەرباز گیانیان لە دەستدا

وەزارەتی بەرگری تورکیا ئاشکرایکرد، بەهۆی کەوتنەخوارەوەی هێلیکۆپتەرێکی سەربازییەوە لە باکوری کوردستان 9 سەرباز گیانیان لە دەستداوە و 4 ی دیکە بریندار بوون.

بەپێی ڕاگەیەندراوێکی وەزارەتی بەرگری تورکیا، ئەمڕۆ پێنجشەممە، کاتژمێر 1:00 پاش نیوەڕۆ هێلیکۆپتەرێک کاتێک ویستوویەتی لە بنکەیەکی سەربازی چەولیگەوە بچێتە “بەدلیس” لە ڕێگەدا پەیوەندی نەماوە و کەوتووەتەخوارەوە.

بەپێی زانیارییەکانی ڕاگەیەندراوەکەی وەزارەتی بەرگری تورکیا فەرماندەیەکی سەربازی بەناوی “عوسمان ئەرباش” لەناو گیان لە دەستداواندایە.

وەزارەتی بەرگری تورکیا ئاشکرایکردووە، “ھەلیکۆپتەرەکە لە جۆری کۆوگەر Cougar و سەر بە ھێزی پیادەیە، “لە ئەنجامی کەوتنەخوارەوەی ھەلیکۆپتەرەکەمان، نۆ سەرباز گیانیان لەدەستداوە و چوار سەربازی دیکەش برینداربوون”.

بەپێی زانیارییەکانی وەزارەتی بەرگریی تورکیا کۆپتەرەکە بەهۆی ڕوداوێکەوە کەوتووەتەخوارەوە و بەهۆی بەرزی فڕینەکەیەوە 9 سەرباز گیانیان لە دەستداوە.

Image

بابەتی پێشتر

ئوردن موشەك دروستدەكات

بابەتی دواتر

سێ ئەندامی ئەنجومەنی ئاسایشی هەرێم ڕوونکردنەوە دەدەن

بابەتی پەیوەندیدار
زیاتر ببینە

پەرلەمانی تورکیا ڕەزامەندی دەربڕی له‌سه‌ر مانەوەی هێزەکانی وڵاته‌كه‌ی لە سوریا و عێراق

پەرلەمانی تورکیا، ئەمڕۆ چوارشەممە 7ی تشرینی یەکەم، ڕەزامەندی لەسەر داوایەکی ئەردۆغان دەربڕی بۆ درێژکردنەوەی ماوەی مانەوەی سوپای تورکیا…
Total
0
Share