حەسەن كەعبی، جێگری یەكەمی سەرۆكی پەرلەمانی عێراق ڕایگەیاند، “تا پارە بۆ پارێزگا هەژارەكان تەرخان نەكرێت، بودجە پەسەند ناكەین.”
ماوەی دوو هەفتەیە خۆپیشاندان لە پارێزگای زیقار بەردەوامە و ئەمڕۆ خۆپیشاندان لە چەند پارێزگایەكی تری باشووری عێراق سەریهەڵدا.
حەسەن كەعبی، جێگری یەكەمی سەرۆكی پەرلەمانی عێراق ئەمڕۆ پێنجشەممە 4ی ئازار، لەگەڵ نوێنەرانی خۆپیشاندەران و وەزیری دارایی و پلاندانان و كارەبا و تەندروستی و نەوت و كشتوكاڵ و ئاوەدانكردنەوە و شارەوانییەكان و كار و كاروباری كۆمەڵایەتیدا كۆبووەوە.
كۆبووەوە.
لە كۆبوونەوەكەدا كەعبی ڕایگەیاند، “دەبێت یارمەتی خەڵكی پارێزگا هەژارەكان بدرێت و كێشەكانیان چارەسەر بكرێن، كۆبوونەوەكەش بۆ پەلەكردنە لە جێبەجێكردنی پرۆژە دواكەتووەكان و چارەسەركردنی كێشە و نەهامەتییەكانی هاوڵاتییان.”
بەگوێرەی ڕاگەیەندراوی نووسینگەی جێگری سەرۆكی پەرلەمانی عێراق، حەسەن كەعبی ڕایگەیاندووە، “تا پارە بۆ پارێزگا هەژارنشینەكان تەرخان نەكرێت، پرۆژەیاسای بودجەی ساڵی 2021ی عێراق پەسەند ناكرێت.”
