“هەرێم بووەتە ترانزێتی مادەی هۆشبەر”

بەڕێوبەری بەڕێوبەرایەتی نەهێشتنی مادەی هۆشبەر ئاشکرایکرد، لەماوەی دوو ڕۆژدا 23 کەس بە تۆمەتی بازرگانی و بەکارهێنانی ماددەی هۆشبەر دەستگیرکراون.

پشتیوان بەهادین، بەڕێوبەری بەڕێوبەرایەتی نەهێشتنی مادەی هۆشبەر، لە کۆنگرەیەکی ڕۆژنامەوانیدا ڕایگەیاند، “بەشێکی زۆری ئەو کەسانەی کە مادەی هۆشبەریان پێگیراوە ویستوویانە بینێرنە دەرەوەی هەرێم و ئێستا هەرێم بووەتە ناوەندی ترانزێتی مادەی هۆشبەر”.

بەڕێوبەری بەڕێوبەرایەتی نەهێشتنی مادەی هۆشبەر لە سلێمانی ئاشکرایکرد، لەو 23 کەسەی کە لەسەر مادەی هۆشبەر دەستگیرکراون سێ کەسیان ژن بووە و لەگەڵ دەستگیرکردنی ئەو کەسانەدا برێکی زۆر مادەی خامی دروستکردنی مادەی هۆشبەر دەستی بەسەردا گیراوە”.