ڕێکخراوی لێبوردنی نێودەڵەتی لە ڕاپۆرتێکدا بەڵێنەکانی حکومەتەکەی مستەفا کازمی بۆ بەدواداچوون لە دۆسییەی بکوژانی خۆپیشاندەران بە مەرەکەبی سەر کاغەز ناوهێنا.
ڕێکخراوەکە داوای لە حکومەتی عێراق، بە سەرۆکایەتیی مستەفا کازمی کردووە، “بەدواداچوونی جدی تر بکەن بۆ گێڕانەوەی مافی سەدان خۆپیشاندەر کە بۆ ژیانێکی باشتر بوونەتە قوربانی”.
لێبوردنی نێودەوڵەتی لە ڕاپۆرتەکەیدا کە لە ساڵیادی دەستپێکردنی خۆپیشاندانەکانی عێراق بڵاویکردووەتەوە دەڵێت، “تا ئێستاش سەدان خۆپیشاندەر مافەکانیان بۆ نەگەڕاوەتەوە و خەریکە نائومێد دەبن لە بەڵێنەکانی حکومەت”.
ڕاپۆرتەکە ئاماژە بەوەدەکات، “تا ئێستاش ئەوانەی کە خۆپیشاندەرانیان دەکوشت دەستیان لەو کارە هەڵنەگرتووە، چونکە دەزانن بە ئاسانی و بەبێ ڕوبەڕوبوونەوەی یاسا خۆیان قوتار دەکەن”.
سەدان كەس ئەمڕۆ پێنجشەممە 1ی تشرینی یەكەم ڕوویان لە گۆڕەپانی تەحریر لە ناوەڕاستی بەغداد كرد بۆ یادكردنەوەی “شۆڕشی تشرین” كە ئەمڕۆ ساڵێك بەسەریدا تێدەپەڕێت.
