دیالە.. لەلایەن “داعش”ەوە دوو هاوڵاتی كوژران و یەكێكی دیكەش ڕفێندرا

لە سنووری ناحیەی كەنعان لە پارێزگای دیالە، ئێوارەی ئەمڕۆ لە هێرشێكی “داعش”دا دوو هاوڵاتی كە پیشەیان شوان بووە، كوژران و یەكێكی دیكەش ڕفێندراوە.

مەهدی شەمەری، بەڕێوبەری ناحییەی كەنعان لە سنووری پارێزگای دیالە بە میدیا عێراقییەكانی وتووە، “ئێوارەی ئەمڕۆ 28ی شوبات، چەند چەكدارێكی داعش هێرشیان كردووەتە سەر چەند شوانێك”.

ئاشكراشیكردووە، “چەكدارانی داعش دوو شوانیان كوشتووە و یەكێكی دیكەشیان ڕفاندووە”.

بەڕێوبەری ناحییەكە ئەوەشی خستوەتەڕوو، “چەكدارانی داعش هەستاون بە دزینی مەڕ و ماڵاتەكەی ئەو شوانانە و بارودۆخی ئەمنیی ناوچەكە تێكچووە”.

بابەتی پێشتر

ئێران و هەرێم ڕازین بە فەرمی بوونی مەرزی سەیرانبەن

بابەتی دواتر

حوسییەکان لە ژێر ناوی شمشێرەکەی ئیمامی عەلیدا هێرشیانکردە سەر پایتەختی سعودییە

بابەتی پەیوەندیدار