وەزارەتی بەرگریی ڕوسیا لەسەر کەوتنەخوارەوەی هێلی کۆپتەرێکیان لە ڕۆژئاوای کوردستان ڕایگەیاند، ڕوداوەکە لە گەشتێکی سەربازییدا بووە و سەرنشینەکانی سەلامەتن و تەنها بریندار هەیە.
لە ڕاگەیەندراوێکدا وەزارەتی بەرگری ڕوسیا ئەمڕۆ یەکشەممە 28 ی شوبات ڕایگەیاندووە، “هێلی کۆپتەرێکی سەربازیی ڕوسی لەکاتێکدا ویستوویەتی گەشتێک بە ئاسمانی باکوری ڕۆژئاوای شاری حەسەکەدا بکات توشی کێشەی تەکنیکی بووە و کەوتووەتەخوارەوە، لەگەڵ ئەوەش سەرنشینەکانی گواستراونەتەوە بە نەخۆشخانە”.
لە ڕاگەیەندراوەکەی وەزارەتی بەرگریی ڕوسیادا ئاماژە بە برینداربوونی سێ سەربازی وڵاتەکەی کردووە لەو ڕوداوەدا.
ئەمڕۆ یەکشەممە، هێلی کۆپتەرێکی ڕوسی لە نێوان گوندەکانی ڕیحانلی و قاسیمیا لە باکوری ڕۆژئاوای حەسەکە کەوتەخوارەوە.
