وەزارەتی دەرەوەی تورکیا، ئەمڕۆ یەکشەممە 28ی شوبات بانگهێشتی باڵیۆزی ئێرانی لە ئەنقەرە کرد بەهۆی لێدوانەکانی ئەمدواییەی تاران کە تورکیا بە پێشێلکردنی خاکی عێراق تۆمەتبار دەکات.
وەزارەتی دەرەوەی تورکیا لە ڕاگەیەنراوێکدا ئاشکرایکرد، “ئێمە چاوەڕێمان دەکرد کە ئێران پاڵپشتیی تورکیا بکات لە ڕوبەڕوبوونەوەی تیرۆر نەک دژی بوەستێتەوە”.
ئیرەن مەسجدی، باڵیۆزی ئێران لە عێراق پێشتر وتبووی، “ئێمە بەهەموو شێوەیەک هەر دەستێوەردانێکی سەربازی بەسەر خاکی عێراق ڕەتدەکەینەوە، نابێت هێزەکانی تورکیا بەهیچ شێوەیەک ببێتە سەرچاوەی مەترسی بۆ سەر خاکی عێراق و نابێت هەوڵی داگیکردنی بدات”.
ئاماژەی بەوەشکردبوو کە پێویستە هێزەکانی تورکیا لەوناوچانەی خاکی عێراق بکشێنەوە کە بڵاوەیان پێکراوە و بگەڕێنەوە سنورە نێودەوڵەتییەکانی خۆیان، هێزە عێراقییەکان دەتوانن ئاسایشی خاکی خۆیان بپارێزن.
