تەندروستیی هەولێر: توشبووانی کۆرۆنا نوێیەکە لە هەمان نەخۆشخانە و هەمان چارەسەری کۆرۆنا وەردەگرن

وتەبێژی بەڕێوبەرایەتیی تەندروستیی هەولێر، ئەمڕۆ یەکشەممە 28ی شوبات ڕایگەیاند کە هەموو ئەوانەی توشی کۆرۆنای نوێیەکە دەبن هەر هەمان چارەسەری توشبووانی کۆرۆنا وەردەگرن و لە هەمان نەخۆشخانەش دەمێننەوە.

لە لێدوانێکدا بۆ تۆڕی میدیایی ئێستا، دکتۆر بژار موسا وتی، “ڕۆژانە هەر توشبوویەکی جۆرە نوێیەکەی کۆرۆنا لە تاقیگەکان یەکلایی ببێتەوە لەگەڵ کۆی گشتیی ئامارەکانی کۆرۆنادا ڕایدەگەیەنین و جیایان ناکەینەوە”.

ئەو دەنگۆیانەشی ڕەتکردەوە کە باس لەوەدەکەن سەرجەم تووشبووانی کۆرۆنا بە جۆرە نوێیەکە تۆمار دەکەن و ڕایگەیاند، “هەردوو جۆرەکە بە جیا تۆمار دەکەین بەڵام کە ئامارەکان ڕادەگەیەنین جیایان ناکەینەوە و هەردوو جۆرەکە بەیەکەوە ڕادەگەیەنین”.

سەبارەت بە ئەو نەخۆشانەی تووشی جۆری نوێی کۆرۆنا بوون وتەبێژی بەڕێوبەرایەتیی گشتیی تەندروستیی هەولێر ئاماژەی بەوەکرد کە توشبووانی جۆرە نوێیەکەش لە هەمان نەخۆشخانەکانی کۆرۆنا چارەسەر وەردەگرن و سیستمی چارەسەرەکەش هەمان ئەو چارەسەرانەیە کە بۆ توشبووانی کۆرۆنا بەکاریاندەهێنین.

دکتۆر بژار موسا ویشی، “ئاماری وردی توشبووانی جۆری نوێی کۆرۆنامان لەبەردەستدانییە بەڵام لە هەولێر لەناو توشبوواندا منداڵانیش هەن و چارەسەر وەردەگرن.

بۆ یەکەمجار لە بەرواری 20ی شوبات، وەزارەتی تەندروستیی هەرێمی کوردستان توشبوونی پێنج کەسی بە جۆرە نوێیەکەی کۆرۆنا ڕاگەیاند و وەزارەت جەختی لەوەشکردەوە کە سەرجەم ئامێر و پێداویستییەکانی پشکنینی جۆرە نوێیەکە لە هەرێمی کوردستان هەیە.

بابەتی پێشتر

خوێندنگەكان وێران بوون و وەزارەت بێخەمە

بابەتی دواتر

زافر عانی: لەم هەفتەیەدا بودجە پەسەند دەكرێت

بابەتی پەیوەندیدار
زیاتر ببینە

پۆلیسی سلێمانی تۆمه‌تبارێكی به‌تۆمه‌تی‌ فێڵكردن ‌و ده‌ستبڕین دەستگیركرد

پۆلیسی سلێمانی ڕایگەیاند، مه‌فره‌زه‌كانی‌ بەشی پۆلیسی ناوشار ڕۆژئاوا – بنكه‌ی‌ پۆلیسی‌ كوردسات تۆمه‌تبارێكیان ده‌ستگیركردووە به‌تۆمه‌تی‌ فێڵكردن ‌و ده‌ستبڕینی‌…
Total
0
Share