ململانێی ملیاردێرەكان لەسەر بتكۆین.. گەیتس ڕێنوێنی دوركەوتنەوە و مەسك داوای وەبەرهێنان دەكات

بیل گەیتس و ئیلۆن مەسك

بیل گەیتس، ملیاردێری ئەمریكی داوای دوركەوتنەوە لە وەبەرهێنان لە دراوی بتكۆین-دا دەكات بۆ ئەوانەی سەرمایەیەكی كەمتریان لە ئیلۆن مەسك-ی دەوڵەمەندترین پیاوی جیهان هەیە، لەكاتێكدا ئەمەی دووەمیان هانی وەبەرهێنان لە دراوەكەدا دەدات.

بیل گەیتس، دامەزرێنەری كۆمپانیای مایكرۆسۆفت-ی ئەمریكی لەمیانەی چاوپێكەوتنێكیدا لەگەڵ ئاژانسی (بلۆمبێرگ) وتی، “لەكاتێكدا ئیلۆن مەسك (ملیاردێری ئەمریكی) سەرۆكایەتی كڕینی شێتانەی دراوە ئەلیكترۆنییەكان لە بازاڕدا دەكات، پێویستە لەسەر هەر كەسێك كە سەرمایەكەی كەمترە لە مەسك دوربكەوێتەوە لە وەبەرهێنان لە دراوەكەدا و، هۆشیاربێت”.

وتیشی، “لەكاتێكدا كە بەرزی و نزمی نرخەكان نابێتە سەرچاوەی نیگەرانی بۆ كەسانی وەك سەرۆكی جێبەجێكردنی كۆمپانیای تێسلا، ڕیسك كردن بۆ ئەوانەی دیكە دەبێتە سەرچاوەی نیگەرانی”.

پێشتر گەیتس باسی لەوەكردبوو كە “بتكۆین زیان بە ژینگە دەگەیەنێت”.

ئەو لێدوانە پاش نزیكەی دوو هەفتە دێت بەسەر ئاشكراكردنی ئەوەی دراوی بتكۆین كارەبایەكی زۆر بەكاردەبات زیاتر لەوەی هەندێك وڵاتی وەك ئەرجەنتین بەكاریدەبەن، لەلایەن توێژەرانی زانكۆی (كامبریدج)ەوە.

لە بەرامبەردا مەسك بانگەشە و داوای وەبەرهێنان لە بتكۆین-دا دەكات پێشبینی ئەوەشیكرد كە دراوەكە بەمنزیكانە دانپیادانان لەسەر ئاستێكی فراوانتر بەدەستبهێنێت.

مەسك پێیوایە وەبەرهێنان لە دراوی بتكۆین-دا كەمتر “گەمژانەیە” بەراورد بە وەبەرهێنان لە دراوی كاغەزدا.

لێدوانە دژ بەیەكەكان بووە هۆی وەستانی زیادبوونی نرخی بتكۆین، پاش ئەوەی لە ژمارە پێوانەییەكەیەوە 58000 دۆلار بۆ ئاستی ئێستای نزیكەی 47300 دۆلار دابەزی.

س: RT

بابەتی پێشتر

خشتە و کاتی یارییەکانی ئەمڕۆ، یەکشەممە بەکاتی هەرێمی کوردستان

بابەتی دواتر

باڵیۆزی ڤاتیکان لە عێراق توشبوونی بە کۆرۆنا ڕاگەیاند

بابەتی پەیوەندیدار
زیاتر ببینە

کازمی لەبارەی موچەوە دڵنیایی دەدات

سەرۆکوەزیرانی عێراق لەبارەی دابەشکردنی موچەی فەرمانبەرانی عێراقەوە دڵنیایی دەدات و ڕایدەگەیەنێت، چاکسازیان کردووە و کۆمەڵگەی نێودەوڵەتیش لەگەڵ چاکسازییەکانیاندایە.…
Total
12
Share