دوای ئەوەی شەوی ڕابردوو کەسێک هێرشیکردە سەر غالب محەمەد، پەرلەمانتاری گۆڕان لە پەرلەمانی عێراق لێکۆڵینەوە لەسەر هێرشکەرەکە بەردەوامە و پەرلەمانتارەکەش دەڵێت “ئەگەر ئەو کەسە ببینم دەیناسمەوە”.
سەرکەوت محەمەد، وتەبێژی پۆلیسی سلێمانی بە تۆڕی میدیایی ئێستای ڕاگەیاند، “ئەگەرچی ئەو کەسەی هێرشەکەی کردووە لە کامێرەکان دەرکەوتووە، بەڵام نەناسراوەتەوە و تا ئێستا پۆلیس بەدوای سەرەداوی دیکەدایە کە بگاتە هێرشکەرەکە”.
وتەبێژی پۆلیسی سلێمانی وتیشی، “د. غالب محەمەد بە ئێمەی ڕاگەیاندووە کە ئەو کەسەی هێرشیکردووەتە سەرم بیبینم دەیناسمەوە و ئاشنایە بۆم، بەڵام تا ئێستا لای ئێمە نەناسراوەتەوە و لێکۆڵینەوەکانیش بەردەوامن”.
شەوی ڕابردوو 26 ی شوبات، کەسێک لە بەردەم ماڵەکەی خۆیدا هێرشیکردە سەر غالب محەمەد و برینداریکرد.
