قوباد تاڵەبانی، جێگری سەرۆكوەزیرانی هەرێمی كوردستان لەبارەی هێرشكردنە سەر پەرلەمانتار غالب محەمەد هاتەدەنگ و دەڵێت، “هێرشبەران ڕوبەڕووی یاسا دەكەینەوە و ئەم كارە ترسنۆكانە لە هیچ كەسێك قبوڵناكەین.”
قوباد تاڵەبانی، جێگری سەرۆكوەزیرانی هەرێمی كوردستان لە تویتێكدا ڕایگەیاند، “ئیدانەی هێرشكردنە سەر پەرلەمانتار غالب محەمەد دەكەم و سەرجەم دەزگا ئەمنییەكان ڕاسپێردراون لێكۆڵینەوەی ورد لە ڕوداوەكە بكەن و هێرشبەران ڕوبەڕووی یاسا بكەنەوە.”
جێگری سەرۆكوەزیرانی هەرێمی كوردستان ئاشكرایكردووە كە دوای هێرشەكە، پەیوەندی بە پەرلەمانتار غالب محەمەدەوە كردووە و دەڵێت، “لە پەیوەندییەكی تەلەفۆنیدا هەواڵی كاك غالب-م پرسی و دڵنیام كردنەوە ئەم كارە ترسنۆكانە لە هیچ كەسێك قبوڵناكرێت.”
ئێوارەی ئەمڕۆ هەینی 26ی شوبات، لە شاری سلێمانی بە چەقۆ هێرشكرایە سەر غالب محەمەد، پەرلەمانتاری فراكسیۆنی گۆڕان لە پەرلەمانی عێراق و برینداركرا.
