وەزارەتی دارایی و ئابوری هەرێمی کوردستان لەبارەی موچە نەدراوەکانی چوار ساڵی ڕابردوو، ڕونکردنەوە دەداتە موچەخۆران و دەڵێت، بەشێک لە موچەکان قەرزە لای حکومەتی عێراق.
لە ڕونکردنەوەیەکدا وەزارەتی دارایی دەڵێت، ” موچەی حەوت مانگی ساڵی رابردوو واتە ساڵی 2020 بە قەرز لەسەر بەغداد ئەژمارکراوە و موچە فەوتاوەکانی 2016 و 2017 لەسەر حکومەتی هەرێم ئەژمارکراوە”.
لە ڕاگەیەندراوەکەی وەزارەتی دارایی هەرێمدا هاتووە، ” موچەی مانگەکانی ساڵی دارایی 2016 و 2017 وەکو خۆی بە (موچەی شایستەیی نەدراو) ئەژماردەکرێت و موچەی مانگەکانی (ئایار، حوزەیران، تەموز، نیسان، ئاب، تشرینی دووەم، کانونی یەکەم)ی ساڵی 2020 بکرێت بە قەرز لەسەر حکومەتی فیدڕاڵی عێراق، چونکە موچەی نەناردووە.
