لە چوارچێوەی قەیرانە سیاسییەکانی ئەرمینیا ئەمڕۆ پێنجشەممە 25ی شوبات داوای لە سەرۆکی حکومەتی ئەرمینیا، نیکۆڵ باشینیان کردووە دەستلەکاربکێشێتەوە.
ئەم داواکارییەی سوپا لە ڕاگەیەنراوێکی دەستەی گشتیی ئەرکانی سوپادا هاتووە و زیاتر لە 40 بەرپرسی سەربازیی دیار داواکارییەکەیان ڕاگەیاندووە، لەنێوانیاندا فەرماندەی دەستەی ئەرکانی سوپا، ئۆنیک گاسپاریان و سەرجەم جێگر و سەرۆک ئیدارەکانی فەرماندەی یەکە سەربازییە گەورەکان هەیە.
ئەو بەرپرسە سەربازییانە ڕایانگەیاندووە، “خۆپیشاندانەکانی ئەرمینییا بەڵگەیە بۆ خواست و ویستیی گەل لەسەر دەستلەکارکێشانەوەی حکومەت و سەرۆکی حکومەت”.
لەلایەکی دیکەوە نیکۆڵ باشینیان، سەرۆکوەزیرانی ئەرمینیا ڕایگەیاند کە داواکاریی سوپای وڵاتەکەی بۆ دەستلەکارکێشانەوە ڕەتدەکاتەوە و بە کۆدەتا بۆ سەر حکومەتەکەی ناوی دەبات.
