بەڕێوەبەرایەتیی گشتیی کارەبای سلێمانی ڕایگەیاند کە هیچ کەسێک بۆی نییە دەستکاری پێوەرە زیرەکەکانی کارەبای سلێمانی بکات و داواش لە هاوڵاتییان دەکات پارە نەدەن بە هیچ کەسێک بەناوی زیادکردنی ئەمپێرەکانی کارەبای پێوەرەکان.
لە ڕاگەیەنراوێکدا بەڕێوبەرایەتیی گشتیی کارەبای سلێمانی ڕایگەیاند، “ئاگاداری ئەو گەڕەکانە دەکەینەوە کە پێوەری زیرەکی کارەبایان بۆ دەبەسترێت، جگە لە ستافی تایبەتی هۆبەی چاکسازیی کارەبا و کۆمپانیا، هیچ کەسێک بۆی نییە دەستکاری پێوەرەکان بکات”.
لە ڕاگەیەنراوەکەدا هاتووە، “هەرکەسێک دەستکاریی پێوەرەکان بکات تووشی لێپێچینەوەی یاسایی دەبێتەوە”.
ئاماژەی بەوەشکردووە کە هیچ کەسێک بەناوی زیادکردنی ئەمپێرەکانی کارەباوە پارە بەکەس نەدات چونکە کارێکی لەوشێوەیە ناکرێت.
